Kecap Panganteur

Dina basa Sunda aya nu disebut Kecap Panganteur, boh kecap panganteur pagawéan boh kecap panganteur kaayaan. Ieu kecap téh gunana pikeun ngantebkeun caritaan. Urang titénan geura...!

Am --> dahar

Barakatak --> seuri

Bek, habek --> dahar

Berebet --> lumpat

Beretek --> lumpat

Béréwék --> soék/soéh

Biur --> 1). Ngapung, 2). lumpat

Blak --> nangkarak

Blok --> bahé

Blug, geblug --> 1). labuh, 2). ragrag/murag (barang gedé sarta beurat)

Bluk --> 1). nyuuh, 2). nangkuban

Blus, geblus atawa bus --> asup, abus

Brak --> dahar, dalahar

Bral --> indit, miang

Bray, gebray  --> 1). beunta, 2). caang, 3). Muka

Bréh --> manggih, nempo barang nu asalna kahalangan

Breg --> 1). hujan, 2). jalma daratang ka hiji tempat, sakaligus.

Breng --> 1). indit, 2). haliber, 3). nabeuh gamelan

Bres --> ngasupkeun barang kana wadahna (upamana pakéan kana koper)

Bret --> pegat

Bro, bru --> 1). neundeun barang sasokna, 2). méré

Brul --> ngabrul

Brus, gebrus --> 1). mandi, 2). ngasupkeun barang kana cai

Bus --> asup

Burusut --> ngising

Cat --> unggah

Celengkeung --> ngomong/nyarita

Celengok --> nyium

Cep --> tiis

Cer --> kiih

Ceuleukeuteuk, ceukeukeuk --> seuri

Cikikik ---> seuri

Clak --> 1). tumpak, 2). nyakclak (cai)

Cleng --> ngacleng

Clik --> murag (barang leutik)

Cong --> nyembah

Crot --> nyiduh

Deker --> 1). dahar, 2). Digawé

Dug --> saré

Gampleng --> nampiling

Gantawang --> nyarékan

Gap --> nyagap

Gaplok --> nyabok

Gék --> diuk

Gebeg --> reuwas

Gebrét --> hujan gedé pisan

Gedig --> indit

Gejebur --> abus kana cai

Gejos --> nojos

Gejlig --> 1). Turun, 2). indit bari ambek

Gejrét --> 1). murag (sarta peupeus), 2). turun pohara, morosot, jadi murah (harga barang)

Gel --> nugel (motong sakali sapat)

Geleber --> hiber

Geleser --> maju

Geuleuyeung --> maju lalaunan

Gewewek --> ngégél

Gok --> paamprok

Golédag --> ngedeng

Hing, nging (ngéng) --> ceurik

Jedak --> diadu

Jeduk --> tidagor

Jep -->1). jempé, 2). Jempling

Jleng --> luncat

Jol (torojol) --> datang

Jrut, jut --> turun

Jung --> nangtung

Kécéwér --> kiih

Kerewek --> nyekel

keteyep

Kop --> nyokot

Kuniang --> hudang

Lar --> ngaliwat

Lat --> poho

Leguk --> nginum

Lek --> neureuy

Léos --> indit

Lep --> teuleum

Les --> ngaleungit

Luk --> tungkul

Nyah --> beunta

Nyéh --> imut

Nyel --> ambek

Nyot --> udud

Orolo --> utah

Paralak --> hujan

Pelenyun --> udud

Pes --> pareum

Pluk --> murag

Pok --> ngomong

Pudigdig --> ambek

Rap --> dibaju, maké pakéan

Réngkénék --> ngigel

Reg --> eureun

Regot (rot) --> nginum

Rep --> 1). tiis, 2). Jempé

Reup --> 1). peureum, 2). poék, 3). saré

Rey --> sieun

Sebrut --> narajang

Sedut/dut --> hitut

Segruk --> ceurik

Sirinting/sirintil --> nyampeurkeun

Sot --> dilésotkeun, ménta dilésotkeun

Srek --> 1). paantel kulit, 2). rasa haté

Térékél --> naék

Trét --> nulis

 Iing Firmansyah